Kohë paradoksesh

Autori:Zekirja Shabani

Jetojmë në një kohë ku në emër të moralit flasin të pamoralshmit;

Ku të pa punët e të varfëritë mbushin kafiterit;

Ku të diplomuarit janë të papunë, ndërsa ata pa diploma punojnë;

Ku kemi shumë Universitete e shumë pak dije;

Ku politikanet e korruptuar flasin kundër korrupsionit;

Ku shteti në vend se ta lufton korrupsionin e mbron atë, pikërisht me mekanizmat që ka krijuar për të luftuar;

Ku lulëzon kleptokracia ashtu siç lulëzojnë lulet në pranverë;

Ku politikanet pasurohen brenda natës, kurse qytetarët marrin rrugën e zorit;

Ku bëhesh kryetar komune, por nuk di të shkruash asnjë fjalim;

Ku kryetarët e komunave në vend që të jenë shembull, ata vjedhin fjalimet e njëri tjetrit;

Ku bëhesh akademik dhe i djeshëm, duke vjedhur në wikipedia e në google;

Ku plagjiatura nuk konsiderohet krim akademik, por zotësi akademike;

Ku gjyqtarët në vend se të jenë të pavarur në vendimet e tyre, ata janë të pavarur nga ligji;

Ku drejtësia nuk kërcënon me ligjin e arsyes, por kërcënon me ligjin e korrupsionit;

Ku mediet në vend që të jenë makth për politikanet, politikanet janë makth për mediet;

Ku në vend se politikanet të varen nga mediet dhe të jetojnë nën presionin e tyre, mediet varen nga politikanet dhe punojnë nën presionin e tyre;

Ku pagat mujore të deputeteve janë më të mëdha se pagat vjetore të qytetarëve;

Ku për tu punësuar nuk kërkohen kritere, por libreza të partive politike;

Ku kriteri i vetëm për tu punësuar një femër nuk është dija, po bukuria;

Ku në ditën ndërkombëtare të punës punëtoret nuk protestojnë, por festojnë;

Ku pakicat privilegjohen, ndërsa shumica diskriminohet;

Ku priftërinjtë serb paguhen nga shteti, kurse hoxhallarët arrestohen;

Ku nuk flasim me fjalë, por me gishta;

Ku për kapjen e shtetit flasin vet kapësit e shtetit;

Ku protestuesit i japin ultimatum policisë, në vend se policia tu jap ultimatum protestuesve;

Ku kemi shumë spitale ama shume pak shëndet;

Ku pasuria po shtohet, eh varfëria po rritet;

Ku nuk pranojmë kritika, por veç rrafsh duam që të na bëjnë;

Ku më shumë kemi shoqëri virtuale se sa shoqëri reale;

Ku këngëtarët nuk dëgjohen, por shikohen;

Ku cilivizimi matet me lakuriqësi;

Ku shkollat janë shndërruar në vendtakime për dashuri;

Ku të gjithë thonë se nuk është e rëndësishme paraja ama të gjithë vrapojnë pas parasë;

Ku sinqeriteti dhe ndershmëria janë në deficit, ndërsa hipokrizia ka arrit kulmin.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/opinione/kohe-paradoksesh/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala