Nitaj: Haradinaj është pothuajse i vendosur të shkojë tek Jahjaga

Autori:Gazeta Fjala

Anëtari i Kryesisë së Aleancës për Ardhmërinë e Kosovës, Muharrem Nitaj, ka konfirmuar se lideri i tij, Ramush Haradinaj, “është pothuajse i bindur” që të marrë pjesë në takimin e ftuar nga Presidentja Atifete Jahjaga me liderët e partive politike në vend.

Nitaj po ashtu ka treguar se nesër do të merret një vendim përfundimtar i opozitës nëse do të shkojnë së bashku “apo eventualisht ndaras” në këtë takim.

“Por, sido që të jetë, unë ju siguroj se kjo nuk do të reflektojë në një far lloj kompaktësia që e ka opozita,” ka thënë Nitaj për RTK-në.

Presidentja Atifete Jahjaga ka ftuar në takim liderët e partive në vend, në tentim për të gjetur një zgjidhje për të dalë nga kriza politike, raporton Insajderi.

Deri më tani, pjesëmarrjen në takim e kanë konfirmuar përfaqësuesit e partive qeveritare, Isa Mustafa dhe Hashim Thaçi, kurse e kanë refuzuar dy partitë opozitare, Lëvizja Vetëvendosje dhe Nisma për Kosovën.

Këto dy parti kanë thënë se do të uleshin për biseda vetëm nëse temë e këtyre takimeve do të ishte caktimi i datës së zgjedhjeve të jashtëzakonshme.

Deri më tani, tri partitë opozitare  kanë kundërshtuar çdo iniciativë për t’u ulur për bisedime me përfaqësues të qeverisë.  Më herët, edhe Kryeministri Isa Mustfa i kishte ftuar ata për të biseduar rreth zhvillimeve të fundit në vend

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/nitaj-haradinaj-eshte-pothuajse-i-vendosur-te-shkoje-tek-jahjaga/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala