Nisma: 
Regjimi Mustafa-Thaçi po tenton ta shtypë Opozitën

Autori:Avdyl Pajaziti

Nisma për Kosovën konsideron se regjimi i Isa Mustafës dhe Hashim Thaçit, në mbrojtje të marrëveshjeve të dëmshme për Kosovën, për tre muaj rresht, me mjete të aparatit represiv tentoi të shtypë Opozitën.

“Duke e parë mosgatishmërinë e reflektimit të këtij regjimi, opozita e Bashkuar më 28.11.2015 organizoi Manifestim gjithëpopullor për të kundërshtuar këto dy marrëveshje”.

“Të tmerruar nga pjesëmarrja masive e qytetarëve në mbështetje të kauzës së opozitës kundër dy marrëveshjeve, regjimi i Isa Mustafës dhe Hashim Thaçit tejkaloi çdo kufij , urdhëruan hyrjen në mënyrë brutale në selinë e një partie parlamentare, në selinë e Lëvizjes Vetëvendosje. 
Ky regjim, arreston, rrah dhe dënon deputet. Ky regjim, sot morri vendim për të përjashtuar opozitën nga pjesëmarrja në seancat e Kuvendit të Kosovës. Një veprim i tillë është i papranueshëm dhe do të lë pasoja të rënda në procesin e shtetndërtimit të Kosovës” theksohet në njoftimin e Nismës.

Ky subjekt politik poashtu potencon se për asnjë çast nuk do të pranojë t’i nënshtrohet kësaj logjike të këtij regjimi.

“Kushdo që mendon se përmes këtyre masave do të detyrojë opozitën t’i nënshtrohet diktatit të saj bën gabim të rëndë”.

NISMA për Kosovën thotë se në të ardhmen do të angazhohet edhe më fuqishëm në mbrojtje të interesave të shtetit të Kosovës.

“Masat e tilla vetëm sa na e forcojnë bindjen se jemi në rrugë të drejtë” përfundon komunikata.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/nisma-%e2%80%a8regjimi-mustafa-thaci-po-tenton-ta-shtype-opoziten/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala