Lajme 6 vite më parë

Ngritet flamuri i Amerikës tek “Bill Clinton”

Autori:Avdyl Pajaziti

Me rastin e 239 vjetorit të pavarësisë së Shteteve të Bashkuara të Amerikës, shoqata “Miqtë e Amerikës” ka ngritur sot flamurin e Amerikës në sheshin Bill Clinton, për të treguar se kosovarët e duan Amerikën dhe iu bashkohen festave të tyre.

Drejtori i Ambasadës Amerikane në Kosovë, Jefferey Jamison tha se është i lumtur që po i bëhet një nder i veçantë shtetit të tij nga Miqtë e Amerikës.

Njëjtë edhe përfaqësuesi i shoqatës Miqtë e Amerikës, Agim Rexhepi u shpreh i lumtur dhe tha se po i zhvillojnë këto aktivitete me qëllimin që të falënderojmë Amerikën për gjithë kontributin e dhënë për shtetin e Kosovës.

Për ta shënuar këtë ditë, Rexhepi tha se kanë organizuar edhe disa aktivitete të tjera si ekspozitën një ditore nga Idriz Berisha dhe një gala mbrëmje në Istog.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ngritet-flamuri-i-amerikes-tek-bill-clinton/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala