Nesër Gjykata e Apelit thotë fjalën përfundimtare për Ramadan Mujën

Autori:Avdyl Pajaziti

Nesër në ora 10:00 Gjykata e Apelit në Prishtinë do ta thotë fjalën përfundimtare për Kryetarin e Prizrenit, Ramadan Mujën.

Aty do të dihet përfundimisht; a do të shkojë Prizreni në zgjedhje dhe Ramadan Muja në shtëpi, apo akuzat disa vjeçare që rëndojnë mbi supet e Kryetarit të Prizrenit do të pushojnë përgjithmonë.

Kryetari i Prizrenit nesër do të dalë para trupit gjykues të shkallës së dytë në Prishtinë, për ta dëgjuar verdiktin për të. Në shkallën e parë, ai ishte dënuar me dy vjet burgim me kusht për akuzat. Muja është dënuar për keqpërdorim të detyrës zyrtare bashkë me pesë zyrtarët komunalë.
Nëse, ky gjykim nesër merr form të prerë, Ramadan Muja shkon në shtëpi dhe Presidentja duhet të shpallë mbajtjen e zgjedhjeve të jashtëzakonshme për Kryetar Komune Brenda 45 ditësh.

Por, avokati i tij, Tomë Gashi, nuk beson se kjo do të ndodhë.

Ai beson se klienti I tij do të shpallet I pafajshëm.

“Në cilësinë e Kryetarit të Komunës, ai ka mbrojtur interesante e qytetarëve të Prizrenit”, ka deklaruar Tomë Gashi për Express.

Madje, kjo sipas tij, thuhet edhe në aktgjykimin e shkallës së parë.

“Veprimet e tij nuk paraqesin vepër penale, sepse nga vetë gjykimi i shkallës së parë, veprimet e tij janë në mbrojtje të interesave të qytetarëve. Kështu e thotë gjyqtari i shkallës së parë në aktgjykim, faqe 53”, ka shtuar Gashi.

Sipas aktakuzës, ato ishin kthyer brenda ditës në prona komunale, pa asnjë procedurë dhe vendim të Kuvendit Komunal, për t’iu dhënë pastaj në shfrytëzim kompanive private, një fabrike të çokollatës dhe Qendrës Arsimore turke, Gulistan

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/neser-gjykata-e-apelit-thote-fjalen-perfundimtare-per-ramadan-mujen/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala