Nesër do të mbesin pa ujë disa lagje të Prishtinës

Autori:Avdyl Pajaziti

KUR”Prishtina”-sh.a. njofton të gjithë konsumatorët të cilët furnizohen me ujë të pijshëm nga Fabrika e përpunimit të ujit në Batllavë, se nesër, 4 qershor 2015, e enjte, do të ketë çrregullime të furnizimit me ujë për këto zona:qyteti i Prishtinës me lagjet” Qendra e qytetit”, “Dardania”, “Lakrishte”, “Kalabria”, “Arbëria”, “Kodra e Trimave”, “Zona industriale”, fshati ”Shkabaj”, qyteti i Obiliqit me fshatrat përreth dhe një pjesë e Fushë Kosovës.

KUR”Prishtina”-sh.a. do t’i monitorojë nivelet e rezervuarëve siç janë: rezervuari në Arbëri, Kodër, Shkabaj, që konsumatorët zonave të lartëcekura në orët e para të mëngjesit si dhe pasdite të kenë konsum të ujit, pasi që gjatë ditës do të ndalet prodhimi nga fabrika e Batllavës, dhe koha e sanimit do të jetë diku rreth 6 orë.

Shkak i punimeve në gypin magjistral Albanik-Prishtinë janë manipulimet e shpeshta të qytetarëve me valvola dhe punimet e ndryshme nga kompani të ndryshme private, që bëhen në afërsi të tubit magjistral.

Bëjmë apel te të gjithë qytetarët, që çfarëdo problemi që mund të kenë, t’i njoftojnë autoritetet e Ujësjellësit dhe mos të prekin asnjë gyp apo valvolë që mund të lërë shumë zona pa ujë të pijshëm, rast konkret, pa ujë qe pothuajse 10 ditë janë fshatrat e komunës së Podujevës

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/neser-do-te-mbesin-pa-uje-disa-lagje-te-prishtines/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala