‘Nëse nuk anulohet Asociacioni rrëzohet Qeveria’

Autori:Avdyl Pajaziti

Shefi i Grupit Parlamentar i Lëvizjes “Vetëvendosje”, Glauk Konjufca, ka thënë se nëse kryeministri Mustafa do ta anulojë Marrëveshjen për Themelimin e Asociacionit të Komunave me shumicë serbe apo siç thotë ai (Zajednicën), atëherë nuk do të kërkohet rrëzimi i Qeverisë dhe shkuarja në zgjedhje të reja të parakohshme.

Në të kundërtën, sipas Konjufcës, tri subjektet opozitare janë duke u përgatitur për protesta masive, të cilat nuk do të ndalen deri në rrëzimin e Qeverisë dhe anulimin e kësaj Marrëveshjeje.

Këto deklarata Konjufca i ka bërë gjatë një interviste për gazetën “Zëri”, me ç’rast ka thënë se dhuna është e përjashtuar nga parimet e Lëvizjes “Vetëvendosje”, por, sipas tij, për dhunën tash e dy javë është duke folur Qeveria e jo opozita. Konjufca ka thënë se përmes protestave masive, qytetarët e vendit duhet t’i tregojnë bashkësisë ndërkombëtare se nuk mund ta japin trupin dhe jetën e Kosovës.

Ai thotë se edhe komunikimi i drejtuesve të institucioneve me ndërkombëtarë duhet ta ketë një qasje tjetër.

“Kosova nuk është Ukraina dhe Serbia nuk është Rusia. Këtë duhet ta bëjmë të qartë sa herë që komunikojmë me partnerët tanë ndërkombëtarë”, thotë mes tjerash Konjufca në intervistë për gazetën Zëri.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/nese-nuk-anulohet-asociacioni-rrezohet-qeveria/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala