Lajme 5 vite më parë

Nervozohet SBASHK-u, paralajmëron grevë

Autori:Avdyl Pajaziti

Është bërë e zakonshme që muajt e parë të fillimvitit shkollor të përcillen me grevë.

Përveç pakënaqësive që kishin mësimdhënësit, arsye që çoi në këtë vendim është edhe fakti se ata nuk u morën parasysh nga zyrtarët institucional, raporton KTV.

Kësaj radhe i dhanë afat 1 muaj qeverisë, por që rezultoi pa sukses, për çka sindikalistët nuk do të rrinë duarkryq.

Kryetari i SBASHK-ut, Rrahman Jasharaj, thotë se mësimdhënësit mund të negociojnë për kërkesat tjera, por janë të vendosur që të mos lëshojnë pe kur bëhet fjalë për njohjen e kontributit në vitet e 90-ta.

Për këtë çështje, Ministria e Punës thotë të presin listat nga Ministria e Arsimit, derisa sindikalistët këmbëngulin se për të zbatuar ligjin për skemat pensionale nuk ka nevojë për këto lista.

Zyrtarja Begaj Balaj ka treguar se për këtë çështje Qeveria e Kosovës në maj të 2008-ës kishte marrë një vendim, i cili e obligonte Ministrinë e Arsimit që të hartojë një raport të detajuar.

I kontaktuar nga KTV-ja, Alush Istogu nga Ministria e Arsimit ka thënë se e kanë përfunduar vite më parë këtë proces dhe se i kanë dorëzuar listat, por nëse ka nevojë ata do të bashkëpunojnë prapë me Ministrinë e Punës.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/nervozohet-sbashk-u-paralajmeron-greve/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala