Eko 6 vite më parë

Në Shtator ndryshimi i tarifave të polisave

Autori:Avdyl Pajaziti

Dështimi i marrjes së vendimit për përgjysmim të çmimit të tarifave për mërgimtarët u ka hapur derën institucioneve për të marrë vendime të reja, raporton KTV.

Kuvendi i Kosovës po pret që një zgjidhje për këtë çështje të gjendet gjithsesi sa më shpejt.

Këshilltari politik i kryetarit të Kuvendit, Blerim Latifi, ka thënë se bashkë me aktorët e tjerë përgjegjës, do të gjejnë një zgjidhje që kjo pagesë e lartë për mërgimtarët të mos vlejë më.

Në ndërkohë, nga shtatori i këtij viti kompanitë e sigurimeve dhe Byroja Kosovare e Sigurimeve nuk do të kenë më përgjegjësinë sa u përket tarifave të sigurimeve.

Një vendim të tillë e ka paralajmëruar kryetari i Komisionit për buxhet dhe financa, Naser Osmani.

Në bazë të ligjit aktual, për sigurimin e detyrueshëm nga autopërgjegjësia kompanitë janë të obliguara të njoftojnë BQK-në me ndryshimet e tarifave.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ne-shtator-ndryshimi-i-tarifave-te-polisave/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala