Në Prizren dita e mësuesit përcillet me protesta

Autori:Zekirja Shabani

Ditën e mësuesit, 7 marsin, veteranët e arsimit në Prizren e kremtuan me protesta. Bashkë me qytetarë ata mbushën sheshin Shatërvan me parulla kundër degradimit të arsimit në këtë qytet.

Skandalet në arsimin e Prizrenit me shitjen e vendeve të punës dhe me punësimin e personave pa përgatitje adekuate profesionale, kanë shtuar pakënaqësitë e qëytetarëve karshi pushtetit komunal.

Protestuesit kanë thënë se do të kundërshtojnë fuqishëm shkatërrimin dhe degradimin e arsimit në këtë qytet.

Protesta ka kaluar pa ndonjë problem, dhe në të vlerësohet se morën pjesë rreth 200 qytetarë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ne-prizren-dita-e-mesuesit-percillet-me-protesta/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala