Në Ferizaj mbillen 2500 hektarë me kultura pranverore 

Autori:Avdyl Pajaziti

Përgatitjet për mbjelljet pranverore në komunën e Ferizajt po shkojnë sipas parashikimeve kanë bërë të ditur zyrtarë nga Drejtoria e Bujqësisë në Ferizaj. Sipas tyre, me kultura pranverore është paraparë që të mbillen rreth 2500 hektarë, kryesisht misër, patate dhe perime.

I pari i Drejtorisë për Bujqësi dhe Pylltari në Ferizaj, Xhamajl Reçica, ka thënë se 80% e kësaj sipërfaqe të planifikuar tashmë është përgatitur për mbjellje, ndërsa gjatë këtyre ditëve varësisht prej kushteve klimatike do të përgatitet edhe pjesa e mbetur.

“Kushtet klimatike dhe reshjet e fundit nuk kanë pasur ndikim të dukshëm në kulturat e mbejllura bujqësore dhe në pemtari, kështu që me përmirësimin e kushteve të motit do të filloj edhe mbjellja e kulturave pranverore. Fermerët e kanë kryer pjesën më të madhe të përgatitjes së tokës për mbjellje, ndërsa pjesa që ka mbetur do të përfundoj së shpejti”, ka thënë Reçica.

Për më tepër bëhet e ditur se edhe kulturat vjeshtore janë në gjendej të mirë, përveç atyre që kanë qenë të përmbytura nga vërshimet. Drejtori Reçica, ka bërë të ditur se me kultura vjeshtore janë të mbjellura 5000 hektarë, prej tyre me grurë 4620 hektarë, 60 hektarë me elb, 60 hektarë me tërshër dhe 390 hektarë me bimë foraxhere.

“Gjendja e tyre në përgjithësi është e mirë, por për shkak të reshjeve të mëdha dhe vërshimeve një pjesë e kësaj sipërfaqe zvogëlohet, por për fattë mirë subvencionet për grurë dhe misër janë të mira 150 euro, bujku nuk do të humbë në këtë aspekt, por do të humbë vetëm në investimet që i ka bërë në farë dhe impute tjera bujqësore”, ka thënë Xhemajl Reçica.

Ndryshe, komuna e Ferizajt edhe për këtë vit ka paraparë investime në shumë sektorë të bujqësisë si në lavërtari, pemtari, perimtari, blegtori, bletari, mbrojtje të bimëve dhe sistem të ujitjes. Bazuar në projektet që ka në dispozicion DBP-ja, shumë e investimeve në këto sektorë do të shkoj deri në 600 mijë euro.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ne-ferizaj-mbillen-2500-hektare-me-kultura-pranverore/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala