Mustafa sot në Slloveni

Autori:Avdyl Pajaziti

Kryeministri i Republikës së Kosovës, Isa Mustafa, sot do të jetë në një vizitë zyrtare në Slloveni, ku do të takohet me homologun e tij slloven, Miro Cerar, presidentin e Republikës së Sllovenisë, Borut Pahor, kryetarin e Asamblesë Kombëtare, Milan Brglez dhe kryetarin e Lubjanës, Zoran Jankoviq.

Në delegacion me kryeministrin Mustafa janë edhe ministri i Punëve të Brendshme, Skënder Hyseni, ministri i Zhvillimit Ekonomik, Blerand Stavileci, ndërkaq gjatë vizitës do të nënshkruhet një marrëveshje e bashkëpunimit policor, ndërmjet dy ministrive.

Pjesë e kësaj vizite janë edhe udhëheqësit e odave ekonomike të Kosovës, të cilët do të realizojnë agjendë të veçantë.

Gjatë qëndrimit në Lubjanë, kryeministri Isa Mustafa po ashtu do të takohet edhe me bashkatdhetarët në Slloveni.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mustafa-sot-ne-slloveni/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala