Mustafa: LDK ndryshon dhe plotëson Statutin e partisë

Autori:Avdyl Pajaziti

Kryetari i rizgjedhur i LDK-së, Isa Mustafa ka njoftuar se pas përmbylljes së procesit zgjedhor, LDK do të organizoj Konventën e Dytë të saj (Kuvendin punues) për orientimet programore për katër vitet e ardhshme, si parti e qendrës së djathtë, e cila ka marrë përgjegjësinë, për herë të parë pas lufte, të drejtojë qeverisjen e vendit.

Në këtë Konventë, sipas Mustafës, do të propozohen disa ndryshime dhe plotësime të Statutit të LDK-së që ndërlidhen me organizimin e degëve jashtë vendit dhe me moshën e Forumit Rinor të LDK-së.

“Kurse, delegatëve të Kuvendit, do tu prezantohet raporti i punës së LDK-së për katër vitet e kaluara dhe raporti financiar si dhe do të informohen lidhur me punën e grupit parlamentar të LDK-së në Kuvendin e Republikës së Kosovës”, ka shkruar në Facebook, kryetari i rizgjedhur i LDK-së, transmeton ORAinfo.

Sipas Mustafës, në fazën përgatitore të kësaj Konvente, do të zhvillohet debat me anëtarësinë dhe organet e LDK-së në terren, ku në mënyrë të drejtpërdrejtë do të japin kontributin e tyre në këto procese. /ORAinfo/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mustafa-ldk-ndryshon-dhe-ploteson-statutin-e-partise/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala