Mustafa e sheh shpëtim të ekonomisë investimin në Brezovicë

Autori:Avdyl Pajaziti

Nënshkrimi i kontratës për projektin e Brezovicës, është një hap i cili tregon se po kthehet besimi i investitorëve të jashtëm në institucionet e vendit, ka vlerësuar kryeministri Mustafa.
Kryeministri në mbledhjen e ekzekutivit ka thënë se investimet në qendrën turistike të Brezovisës do të hapin mundësi të madhe për zhvillimin e turizmit dhe krijimin e vendeve të reja të punës.

“Përgëzoj gjithë akterët që kanë punuar deri me tani në përgatitjen e kontratës lidhur me investimet në Brezovicë, që do të hap mundësi të mëdha zhvillimore edhe për turizmin edhe për punësimin e njerëzve, jo vetëm në atë pjesë por edhe të tjera. Sepse është një fushëveprim që ligj shumë sektor të veprimtarisë dhe kjo flet se ne ngadalë po fitojmë besimin e investitorëve të jashtëm me ardhjen e tyre në Kosovë”.

“Shpresoj se me masat që po marrim tani të arrijmë të sjellim edhe më shumë investitorë, si me masat që kemi marr në fushën e politikave fiskale, ashtu edhe fushat të cilat do t’i marrim me tutje në zgjidhjet me të mira që do t’i bëjmë përmes kornizës ligjore”, theksoi kreu i Qeverisë.

Nënshkrimi i kontratës për projektin e Brezovicës, në të cilin parashihet që të investohen 409 milionë euro është bërë dje nga ministrja e Tregtisë dhe Industrisë, Hykmete Bajrami dhe përfaqësuesi i zyrtar i Kozorciumit francez, MDP Consulting – Compagnie des Alpes”, përkatësisht kompania që është regjistruar në Kosovë nga konsorciumi “Brezovica Resort LLC”, Pacal Roux.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mustafa-e-sheh-shpetim-te-ekonomise-investimin-ne-brezovice/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala