Mulaj: Arrestimi i zyrtarëve të MTI-së dëshmoi dallaveret me njehsorë

Autori:Avdyl Pajaziti

Ish Ministri i Tregtisë dhe Industrisë, Ismet Mulaj, kishte paralajmëruar se njehsorët e prodhuesit KOHLER AEL.TF 04-01 në tregun Kosovar ishin jashtë standardeve. Pas deklaratave të tij, janë arrestuar 3 zyrtarë të MTI-së për këtë skandal.

Mulaj, ka thënë për Indeksonline se prokuroria nuk duhet t’i përfundojë hetimet me arrestimin e tre zyrtarëve, për dallavere me njehsor elektrik.

Mulaj thotë se paralajmërimet e tij për hetimet e prokurorisë kanë qenë të vërteta dhe njehsorët elektrik kanë qenë të vërtetuar se nuk i plotësojnë standardet.

“Është vërtetuar atë që e kamë thënë më herët. Instituti Holandës e ka vërtetuar se këta njehsor janë me defekte dhe unë shpresoj që Gjykatat ta qoj deri në fund këtë hetim jo me arrestimin e vetëm tre zyrtarëve sepse ky ka qenë krim i organizuar dhe përgjegjësia duhet të bie deri në personin e fundit që ka manipuluar”, ka thënë Mulaj.

Mulaj ka thënë se operatori KEDS-i duhet t’i largojë menjëherë këta njehsor nga përdorimi dhe po ashtu atyre që ua ka instaluar t’ua largojë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mulaj-arrestimi-i-zyrtareve-te-mti-se-deshmoi-dallaveret-me-njehsore/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala