Lajme 6 vite më parë

Muhamet Kelmendi kërkon sqarim zyrtar rreth arrestimit të tij

Autori:Avdyl Pajaziti

Anëtari i Kryesisë së AAK-së, Muhamet Kelmendi, me anë të një letre të hapur ka kërkuar nga organet kompetente që të sqarojnë për publikun arrestimin e djeshëm të tij.

Në letrën e tij, Kelmendi ka shkruar se dje, më datë 10.06. 2015 ora 14:30 në Mitrovicë, Policia e Kosovës e ka arrestuar në prani edhe të kamerave televizive pa asnjë shpjegim.

Kjo sipas tij, i ka dhënë edhe pretekst çdokujt që të zbraz mbi personalitetin e tij, lloj-lloj shpifjes dhe insinuatash të paimagjinueshme.

Lexojeni letrën e plotë të Kelmendit:

Ministrit të Punëve të Brendeshme Z. Skender Hyseni

Drejtorit të Policisë së Kosovës Z. Shpend Maxhuni

Inspektoratit të Policisë së Kosovës Z.Fitim Shishani

Kerkesë publike për sqarim

Të Nderuar

Dje me datë 10.06. 2015 ora 14:30 në Mitrovicë, Policia e Kosovës më ka arrestuar në prani

edhe të kamerave televizive pa asnje shpjegim, duke u dhënë pretekstin çdo kuj që të zbraz

mbi personalitetin tim lloj lloj shpifjesh dhe insinuatash të pa imagjinueshme.

Andaj kerkoj nga ju me qëllim të sqarimit edhe të opinionit publik duke i pasë për bazë edhe

këto fakte:

1. Moshën time

2. Familjen time

3. Profesionin e Profesorit Universitar që ushtroj tash e një kohë të gjatë si dhe

4. Veprimtarinë time politike dhe publike,

Të më jepni sqarim zyrtar lidhur me ngjarjen e djeshme.

Me Resepekt

Prof. Asoc. Dr. Muhamet Kelmendi (sic) /Telegrafi/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/muhamet-kelmendi-kerkon-sqarim-zyrtar-rreth-arrestimit-te-tij/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala