Lajme 5 vite më parë

MPB e përkushtuar në luftimin e korrupsionit të nivelit të lartë

Autori:Avdyl Pajaziti

Ministri i Punëve të Brendshme, Skender Hyseni, tha të mërkurën se institucionet e rendit e ligjit janë të obliguara që të bëjnë të gjitha veprimet e mundshme që korrupsionin ta vënë nën kontroll dhe ta minimizojnë deri në shkallën më të ulët.

Ministri Hyseni këto komente i bëri në konferencën rajonale për luftimin e korrupsionit, për ngritjen e kapaciteteve të institucioneve të Republikës së Kosovës në luftimin e korrupsionit në nivelin e lartë, e organizuar nga misioni i OSBE-së dhe që është mbështetur financiarisht nga qeveria federale e Gjermanisë.

“Korrupsioni nuk mund të përkufizohet ekskluzivisht vetëm si një problem i një shteti, por është një problem i përgjithshëm. Prandaj, bashkëpunimi midis vendeve të ndryshme, e sidomos bashkëpunimi midis vendeve të rajonit është krucial për të luftuar në mënyrë efikase korrupsioni në nivele të larta”, tha ministri Hyseni.

Gjithashtu, ai tha se është shumë i rëndësishëm bashkëpunimi në mes të njësive të inteligjencës, policisë, prokurorisë, për të parandaluar pastrimin e parasë që është rrjedhim direkt i korrupsionit në shkallë të lartë.

Po aq e rëndësishme është media dhe shoqëria civile në vetëdijesimin e qytetarëve për shmangien e metodave korruptive në jetën e përditshme. /Telegrafi/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mpb-e-perkushtuar-ne-luftimin-e-korrupsionit-te-nivelit-te-larte/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala