Mos i djegni hamullorët

Autori:Avdyl Pajaziti

Ministria e Bujqësisë  ka bërë  thirrje te qytetarët e Kosovës që  të  mos djegën hamullorët. Kjo ministri ka thënë  se nga djegja e tyre janë  duke u shkaktuar vetëm dëme.

Ky është  njoftimi i plotë  i Minitrisë  së  Bujqësisë :

Këto ditë nga terreni jemi njoftuar për djegien e hamulloreve (siperfaqeve të kurrora me grurë) e të cilat në disa raste kanë shkaktuar edhe dëme anësore tek kultura tjera bujqësore, ose kanë rrezikuar pyjet. Ne falenderojmë organet kompetente që kanë reaguar dhe janë në gjendje gatishmërie që të reagojnë, për të mos pasur pasoja edhe më të mëdha.

Dëshirojmë të ju bejmë edhe një herë thirrje të gjithë fermerëve që mos të djegin këto siperfaqe, sepse vetëm dëme do të ketë. E para, me këtë djegie, shkatërrohen mikro-organizmat që janë në shtresen siperfaqësore të tokës, e që janë shumë të dobishme për bujqësinë, për bimet në përgjithësi. Po ashtu me djegie ne humbim rastin që ta mbushim tokën me pleh, pasi kashta e mbetur, me një levrim të cekët, aq sa e vendos nën dhe kashtën e mbetur, shndërrohet në pleh dhe kështu sjell të mira në mbjelljet e ardhshme.

Po ashtu me veprime të tilla ne rrezikojmë të dëmtojnë ambinetin dhe kulturat e tjera afer siperfaqeve të mbjellura, qoftë pemishteve, por edhe pyjet.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mos-i-djegni-hamulloret/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala