Mos bini pre e njerëzve pa adresë, ISIS armik i islamit!

Autori:Avdyl Pajaziti

Pjesëmarrja e njerëzve tanë në luftërat e ISIS-it le që dëmton imazhin e Kosovës, por veprimet e tyre nuk kanë të bëjnë me fenë islame.
Myftiu i Kosovës, Naim Tërnava ka thënë se pjesëmarrja e qytetarëve të Kosovës përkrah ISIS-it e dëmton imazhin e shtetit tonë. Ai në përfundim të Muajit të Ramazanit dhe në vigjilje të festës së Fitër Bajramit ka kërkuar nga qytëtarët mos të bien pre e njerëzve pa adresë, të cilët në emër të fesë janë duke i sjell terror njerëzimit.

“E ripërsëris atë që e thotë ‘Kurani’, atë që e ka thënë Pejgamberi dhe atë që e ka kultivuar ulemaja, se feja islame s’ka të bëjë me dhunën, terrorin dhe shkatërrimin. Feja islame është fe e paqes, respektit, dashurisë dhe mirëkuptimit”, është shprehur Tërnava.

Ai në intervistë për gazetën “Epoka e re”, ka deklaruar se shumë shpejt do të nisë ndërtimi i Xhamisë së Madhe në Prishtinë.

Ndërsa i pyetur se pse Kosova nuk është duke e ndjekur shembullin e Shqipërisë për faljen e namazit të Fitër Bajramit në shesh, myftiu Tërnava ka thënë se tek ne është traditë e kultivuar nder shekuj që falja e Bajramit të bëhet nëpër xhami. /Epoka e re

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mos-bini-pre-e-njerezve-pa-adrese-isis-armik-i-islamit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala