“Mitrovica – qytet me rëndësi strategjike për Serbinë”

Autori:Avdyl Pajaziti

Shteti i Serbisë do të punojë për ekzistencën dhe përmirësimin e jetesës në gjithë territorin e Kosovës, e investime të posaçme do të ketë në Mitrovicën (e Kosovës). Nuk është rastësishme që ky qytet ka rëndësi strategjike, pasi ai është i vetmi mes urban i ruajtur nga lufta.

Kështu, ka thënë drejtori i Zyrës për Kosovën në Qeverinë e Serbisë Marko Gjuriq, i cili dje në Lagjen e Boshnjakëve, në pjesën veriore të Mitrovicës, ka dhënë çelësat për banesa të familjeve me nevoja sociale, e më pas në Suhodoll ka dorëzuar 3 mijë kg farë gruri e pleh artificial për mbjellje vjeshtore, transmeton gazeta e Beogradit “Politika”, përcjell Koha.net.

“Kujdes të veçantë do t’i kushtojmë zhvillimit të këtij qyteti, sepse ai duhet të jetë qytet i bukur dhe i sigurt pa marrë para sysh kombin”, ka thënë Gjuriq.

Ai ka shtuar se vjet Serbia në territorin e Kosovës ka ndërtuar 100 banesa për çifte me fëmijë, shumica nga të cilët në Mitrovicën veriore.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mitrovica-qytet-me-rendesi-strategjike-per-serbine/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala