Mirsadi në mesazhin e fundit e ka quajtur Ahmetin “vrastar” (Foto)

Autori:Avdyl Pajaziti

Në ditën kur u bënë 3 muaj nga konflikti i Kumanovës, “Lajm” ka vizituar familjen e njërit prej udhëheqësve të grupit të armatosur, Mirsad Ndrecajt-Komandant Nato.

Me këtë rast kemi biseduar me familjarët e tij, te të cilët revolta sa vjen e rritet nga “tradhtia e politikanëve që ua bënë djemve më të mirë të shqiptarisë”. Vëllai i Mirsadit, Ylberi, na e tregoi mesazhin e fundit që ia ka dërguar ai kryetarit të BDI-së Ali Ahmeti, disa muaj para konfliktit të Kumanovës. Në këtë porosi vërehet qartë revolta e Mirsadit ndaj Ali Ahmetit, të cilin mes tjerash e quan edhe “parashutist dhe vrastar”.

“Ali Ahmeti, dy herë populli shqiptar ka gabu: njëherë kur ka ardh Agim Qeku në Kosovë dhe njëherë kur ka ardh Ali Ahmeti në Maqedoni. Therra kur të mjeket nga gishti nuk ka më vend aty. Nuk lejon ma populli parashutista e vrastar. Shpejt ka me ta pa edhe populli fytyrën e vërtetë që ta njohim ne. Inskenimeve tua për të ndejt në pushtet duke persekutu shqiptarët tani ju ka dal era. Mirsad Ndrecaj Komandant Nato”, ka shkruar Mirsadi në mesazhin e fundit dërguar kryetarit të BDI-së.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mirsadi-ne-mesazhin-e-fundit-e-ka-quajtur-ahmetin-vrastar-foto/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala