Ministria e Financave jep letra me vlerë 20 milionë euro (dokument)

Autori:Avdyl Pajaziti

Ministria e Financave përmes Thesarit të Kosovës ka dhënë letra me vlerë prej rreth 20 milionë euro për afatin dyvjeçar. Në bazë të ankandit për obligacion qeveritar dy vite të datës 29 shtator të këtij viti theksohet shuma prej 19,992,536.56 euro.

Sipas dokumentit, ofertat konkurruese të dorëzuara ishin 33,570,000 euro; ofertat jokonkurruese të dorëzuara 820,000 euro; ofertat konkurruese të pranuara 19,180,000; ofertat jokonkurruese të pranuara 820,000; norma maksimale e pranuar 3.10%; norma minimale e pranuar 2.66% dhe norma mesatare e peshuar 2.81940%.

Shpallja e ankandit për letra me vlerë ishte bërë më 25 shtator, derisa rezultatet kanë dalë më 29 shtator të këtij viti.

Rikujtojmë se kategoria e investimeve në letra me vlerë në dhjetor të vitit 2014 ka arritur në 383.8 milionë euro, duke shënuar rritje vjetore prej 8.3%, dukshëm më të ulët sesa rritja prej 38.2% e shënuar në vitin paraprak, bënë të ditur Banka Qendrore e Kosovës (BQK).

Rrjedhimisht, pjesëmarrja e letrave me vlerë në asetet e sektorit bankar arriti në 12.0% në dhjetor 2014 nga 11.6% sa ishte në vitin paraprak.

“Në kuadër të gjithsej investimeve në letra me vlerë gjatë vitit 2014, vërehet orientim më i madh i bankave drejt investimeve në letrat me vlerë të Qeverisë së Kosovës. Në dhjetor të viti 2014 investimet në letra me vlerë të Qeverisë së Kosovës shënuan rritje vjetore prej 92.6%, duke rritur pjesëmarrjen në gjithsej portofolin e investimeve në letra me vlerë në 50.2%, kurse 28.2% ishte në dhjetor të vitit 2013”, thuhet në raportin e stabilitetit financiar të BQK-së.

Nga viti 2012 Qeveria e Kosovës ka filluar me zbatimin e projektit të lëshimit të letrave me vlerë. Vlerësohet se letrat me vlerë janë mënyrë shumë e mirë e investimit të shtetasve të Republikës së Kosovës në zhvillimin ekonomik të vendit.

Thesari emeton letra me vlerë, të cilat paguajnë interes dhe kanë një kohëzgjatje të caktuar (3 muaj, 6 muaj, 12 muaj, 2 vjet, etj) njësoj sikurse depozitat bankare.

letra me vlere1

letrat me vlere

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ministria-e-financave-jep-letra-me-vlere-20-milione-euro-dokument/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala