Ministri Yagcilar furnizon ministrinë me iPhone, shkel vendimin e Qeverisë

Autori:Avdyl Pajaziti

Ministria e Administratës Publike, e cila udhëhiqet nga Mahir Yagcilar ka blerë telefona për stafin e tij, duke shkelur vendimin e qeverisë.

MAP këtë javë ka shpallur fituesin e tenderit për furnizim me telefona për nevoja e kësaj ministrie.

Ministria të cila udhëhiqet nga Yagcilar, do të shpenzojë plotë 4 680 euro për furnizim me telefona, raporton ORAinfo.

MAP në këtë tenderë ka shpërblyer kompaninë “Mobi Gega” për furnizim me telefona mobil.

Burime të ORAinfo bëjnë të ditur se kompania e fituese do ta furnizojë këtë ministri me telefona të gjeneratës së fundit të Apple.

Këto blerje janë bërë në kundërshtim më vendimin e qeverisë e cila në fund të vitit të kaluar kishte marrë vendim që të kursej 14.5 milionë euro, nga ndalja e blerjeve të veturave, blerja e kompjuterëve / laptopëve, telefonave mobil dhe pajisjeve të tjera të ngjashme.

Ndryshe, në këtë tenderë kanë aplikuar tri kompani dhe oferta më e shtrenjtë për furnizim me telefona ishte 5 130 euro. /ORAinfo/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ministri-yagcilar-furnizon-ministrine-me-iphone-shkel-vendimin-e-qeverise/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala