Ministri shkarkon Këshillin e Bibliotekës

Autori:Avdyl Pajaziti

“Fshesa” e shkarkimit të këshillave drejtuese të institucioneve kulturore ka mbërritur edhe në Bibliotekën Kombëtare “Pjetër Bogdani”, shkruan sot Koha Ditore.

Të mërkurën ministri i Kulturës, i Rinisë dhe i Sportit, Kujtim Shala, përmes një vendimi ka emëruar pesë anëtarë të rinj të Këshillit të BKK-së, duke i shkarkuar ata paraprakë.

Kadri Metaj, Bardh Rugova, Muhamet Hamiti, Fazli Gajraku dhe Feim Hoxha si përfaqësues i MKRS-së, janë anëtarët e rinj. Ky vendim ka bërë që të shkarkohen ish-anëtarët e Këshillit drejtues, i cili përbëhej nga Sali Bashota, kryetar, Ibrahim Kadriu, Dashamir Bërxulli, Sadete Tërnava, anëtarë dhe Xhevat Bajrami, përfaqësues i MKRS-së.

Kjo pesëshe ishte emëruar nga ish-ministri i Kulturës, Memli Krasniqi, në dhjetor të 2013-s.

Këto lëvizje, si i ka thënë gazetës ministri Shala, janë përpjekje e MKRS-së që të emërojë këshilla që garantojnë pavarësi të institucioneve dhe një dinamikë të re të punës së institucioneve nacionale, të cilat, sipas tij, kanë ngecur shumë, sidomos gjatë viteve të fundit.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ministri-shkarkon-keshillin-e-bibliotekes/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala