Ministri Bajrami viziton Bujanocin dhe Preshevën

Autori:Avdyl Pajaziti

Ministri i Arsimit, Shkencës dhe Teknologjisë, Arsim Bajrami, do të qëndrojë sot për një vizitë zyrtare në Serbi, në dy komunat shqiptare, Bujanoc dhe Preshevë.
Ministri Bajrami do të ketë disa takime dhe vizita në shkolla, për të parë mundësitë e bashkëpunimit për arsimin në gjuhën shqipe në këto komuna.

Siipas një njoftimi të Ministrisë së Arsimit, Bajrami fillimisht do të pritet në selinë e Këshillit Kombëtar Shqiptar në Bujanoc, ku do të ketë një takim me kryetarin e Këshillit, Jonuz Musliu, e pas kësaj do të vizitojë edhe Komunën e Bujanocit si dhe shkollën e mesme “Sezai Surroi” në këtë komunë.

Bajrami do të vizitojë edhe Komunën e Preshevës, do të takohet me dy deputetët shqiptarë në Parlamentin e Serbisë, Riza Halimi dhe Shaip Kamberi, dhe pastaj edhe shkollën fillore “9 Maji” në Leran të kësaj komune.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ministri-bajrami-viziton-bujanocin-dhe-presheven/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala