Alternativa 6 vite më parë

“Microsoft Wi-Fi” – për miliona njerëz

Autori:Avdyl Pajaziti

Sipas VentureBeat, kompania softuerike Microsoft është duke zhvilluar një shërbim që do të ofrojë Wi-Fi falas në çdo vend të botës.

Shërbimi i ri i quajtur Microsoft Wi-Fi, u pikas për herë të parë online nga një përdorues i Twitter por faqja e zbuluar tanimë është zëvëndësuar nga një grafikë “coming soon”.

Në një deklaratë dërguar VentureBeat, një përfaqësues i Microsoft-it konfirmon se ky shërbim i ri është duke ardhur.

“Ne konfirmojmë ardhjen e një shërbimi të tillë i quajtur Microsoft Wi-Fi i cili do t’ju ofrojë akses falas në Wi-Fi miliona përdoruesve. Detaje të tjera do të publikohen më vonë’, u shpreh përfaqësuesi i Microsoft, shkruan PC World.al.

Ky shërbim do të implementohet në sajë të aplikacioneve të iOS, Android, OS X dhe Windows. Wi-Fi do të jetë e disponueshme dhe në formën e hotspoteve të vendosura të ajër.

Një lajmërim zyrtar është duke ardhur por nuk është e qartë se rreth çfarë periudhë kohore mund të debutojë ky shërbim.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/microsoft-wi-fi-per-miliona-njerez/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala