“Metro”: Nëse mendoni se politikanët britanikë janë të papjekur, shikojini ata të Kosovës (Video)

Autori:Avdyl Pajaziti

Lideri i Laburistëve në Britani, Jeremy Corbyn, ka thënë se dëshiron ta bëjë Parlamentin Britanik një vend më të pjekur dhe t’i jap fund tollovive. Por, tabolidi britanik “Metro” shkruan se politikanët britanikë, megjithatë, janë goxha të qetë në krahasim me ata të Kosovës.

Në një debat të fundit në Kuvendin e Kosovës për dhënien e më shumë të drejtave për pakicën serbe, gjërat dolën paksa jashtë kontrollit.

Disa politikanë, transmeton Koha.net, përdorën bilbila për të penguar fjalën e pozitës. Kjo, sipas Metro-s, nuk funksioni pasi ende mund të dëgjohej kryetari i Parlamentit.

Në këtë mënyrë, ata i vendosën bilbilat tek mikrofonat dhe kështu asgjë më nuk dëgjohej.

Më pas, ata hodhën edhe gaz lotsjellës duke e pamundësuar në këtë mënyrë debatin në tërësi.

“Shumë veprime të pjekura”, thotë “Metro”.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/metro-nese-mendoni-se-politikanet-britanike-jane-te-papjekur-shikojini-ata-te-kosoves-video/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala