Mësimdhënësve u paguhet përvoja me pagat e prillit

Autori:Avdyl Pajaziti

Sindikata e Bashkuar e Arsimit të Kosovës (SBASHK) njofton se sot është takuar me ministrin e Arsimit, Arsim Bajrami, atë të Financave Avdullah Hoti dhe ministrin e Administratës Publike, Mahir Jagxhillar.
Sipas njoftimit të SBASHK-ut, bëhet e ditur se nga ky takim ka rezultuar se 0.5 përqindëshi i përvojës së punës për mësimdhënësit do të zbatohet nga pagat e muajit prill.

Përfaqësues të SBASHK-ut thonë se në bazë të kësaj marrëveshje, nënkuptohet se për momentin nuk ka arsye që të ketë ndonjë veprim sindikal.

SBASHK konsideron se kjo është një arritje e angazhimit të përbashkët të SBASHK-ut, MASHT-it dhe Qeverisë së Kosovës në përgjithësi.

Këta sindikalist po ashtu kërkojnë mirëkuptim nga të punësuarit në arsimin e Kosovës, për arsye të numrit të madh të të punësuarve në këtë sektor dhe procedurës së procedimit të të dhënave , eventualisht, mund të vonohen për pak ditë listat dhe pagat.

Muajve të fundit, SBASHK ka organizuar greva duke bojkotuar mësimin për shkak të kërkesës që t’u paguhet përvoja e punës mësimdhënësve.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mesimdhenesve-u-paguhet-pervoja-me-pagat-e-prillit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala