Memli Krasniqi mbetet pa qebapa

Ministria e Bujqësisë, Pylltarisë dhe Zhvillimit Rural e drejtuar nga Memli Krasniqi ka anuluar tenderin për furnizim me pije dhe ushqim për nevoja të MBPZHR-së. Kështu, ai dhe stafi i tij rrezikojnë të mbeten pa 20 mijë qebapa e qofte të cilat kishin planifikuar ti porosisnin.

Gazeta Fjala pati raportuar se kjo ministri ndryshe nga herat tjera ka specifikuar në dosjen e tenderit produktet ushqimore të cilat do të konsumojnë për tri vitete e ardhshme.

Arsyeja e anulimit të këtij tenderi sipas njoftimit të publikuar në faqen e Komisionit Rregullativ të Prokurimit Publik është se nuk janë paraqitur më shumë se dy ofertues të përgjegjshëm për të bërë këtë furnizim.

Kështu, i tërë procesi është kthyer në ritenderim.

Ministria e Bujqësisë për vitin 2015 në mallëra dhe shërbime ka të parapara ti shpenzojë 1 milion e 935 mijë e 744 euro. Kurse, në këtë buxhet për këto shërbime janë paraparë të shpenzohen fiks 51 mijë euro nga zyra e ministrit.

Drejtori i prokurimit në Ministrinë e Bujqësisë, Artan Jaha, pas raportimit të Gazetës Fjala për porositë ushqimore të kësaj ministrie, për tri vitet e ardhshme, ka sqaruar se sasinë e përafërt e kanë përcaktuar pas kërkesës së KRPP-së për kontratën e tyre kornizë që ka me bufen e atij objekti Ministria e Bujqësisë.

Sipas tij, kjo sasi nuk do të konsumohet vetëm nga zyrtarët e Ministrisë së Bujqësisë, por është e paraparë edhe për punëtorët e Ministrisë së Kulturës edhe të Diasporës, të cilët shërbehen në këtë bufe, por edhe që participojnë në mbulimin e këtyre shpenzimeve.

Lista e produkteve të porositura:

 

Sherbim me pije dhe ushqim për të gjith zyrtare e MBPZHR-së

• Ujë 15000 Copë

• Kafe expreso 15000 Copë

• Makiato 15000 Copë

• Filter qaj 3000 Copë

• Pije në kanaqe 10000 Copë

• Lëngje frutash 5000 Copë

• Sallata 1500 Copë

• Sendviç 5000 Copë

• Pica të vogla 5000 Copë

• Copë`

• Qebabapa/Qofte (25gr) 20000 Copë

• Omlet (300 gr) 2000 Copë

• Shbageta (150 gr) 2000 Copë