Lajme 6 vite më parë

Mediat botërore për protestën e mbrëmshme

Autori:Avdyl Pajaziti

Përleshja e mbrëmshme në mes policisë dhe aktivistëve të vetëvendosjes nuk ka kaluar pa rënë në sy të gazetave ndërkombëtare, transmeton Gazeta Fjala.

The Guardian, gazeta prestigjioze angleze për protestën e mbrëmshme shkruan:

“Protestuesit dhe policia kanë vazhduar përleshjet në Kosovë pas arrestimit të politikanit të mirënjohur opozitar, i cili hodhi gaz lotsjellsës në parlament, me qëllim të rikthimit të marrëveshjes së kufirit me Serbinë. Tym i madh i gazit lotsjellës e ka mbushur qendrën e Prishtinës kur policia po i largonte disa qindra protestues të cilët hidhnin gurë dhe gjësende drejt stacionit kryesor të policisë, në kërkim të lirimit të Albin Kurtit, anëtar i parlamentit dhe themelues i partisë opozitare “Vetëvendosje”.

Disa vetura të cilat u përkisnin autoriteteve shtetërore u dogjën, thotë një reporter nga Reuters.

Kurti u lirua më vonë. Arrestimi i tij u bë për shkak se hapi një gaz lotsjellës në parlament javën e kaluar, duke detyruar evakuimin e antarëve të parlamentit, në shenjë proteste të marrëveshjes me Unionin Evropian, e cila i jepte më shumë të drejta lokale minoritetit Serb”, thuhej ndër të tjerash në artikullin e The Guardian. /Gazeta Fjala/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mediat-boterore-per-protesten-e-mbremshme/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala