Më 10 qershor bëhet rivarrimi i eshtrave të Isë Boletinit

Autori:Avdyl Pajaziti

Pikërisht dita kur është mbajtur Lidhja Shqiptare e Prizrenit, 10 qershori, është caktuar si datë për rivarrimin e eshtrave të heroit kombëtar, Isa Boletini.

Kështu ka bërë me dije, Ministri i Forcës dhe Sigurisë së Kosovës, Haki Demolli, i cili udhëheq këshillin organizativ për ceremoninë e rivarrimit.

Demolli ka thanë se shumica e detajeve të ceremonisë kanë përfunduar, dhe se pritet që javën e ardhshme të finalizohet gjithçka, shkruan Epoka e Re.

Eshtrat e heroit Boletinit do ta nisin rrugëtimin nga Shtëpia e Pavarësisë në Vlorë për në vendin e Lidhjes Shqiptare të Prizrenit, ndërsa nga aty do të nisen për në Isniq, në vendlindjen e Heroit Kombëtar.

Më datën 9 qershor, qytetarët kanë rastin që të bëjnë homazhe para eshtrave të heroit në Prekaz, kurse pasdite, me të njëjtën datë, do të jenë në Prishtinë.

Rrivarrimi i eshtrave të heroit do të bëhet në Mitrovicë, aty ku do të mbahet edhe ceremonia qendrore, në Stadiumin e Trepçës, për nder të heroit të kombit.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/me-10-qershor-behet-rivarrimi-i-eshtrave-te-ise-boletinit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala