“Më 1 tetor hiqet barrikada mbi lumin Ibër”

Autori:Avdyl Pajaziti

Barrikada mbi lumin Ibër hiqet më 1 tetor, por ende ka dallime në qëndrimet lidhur me Asociacionin e komunave me shumicë serbe, thotë ministrja për Dialogun me Serbinë, Edita Tahiri.

“Kemi rënë dakord që barrikada e njohur si “Parku i paqes” të hiqet më 1 tetor të këtij viti. Ndërsa, revitalizimi si një projekt i BE-së do të fillojë menjëherë pas heqjes së barrikadës dhe do të zgjasë gjashtë muaj”, ka thënë Tahiri, e cila beson edhe në përafrim të qëndrimeve për Asociacionin e komunave me shumicë serbe.

“Metodologjia e BE-së në këtë dialog mund të përkufizohet si një rol lehtësues. Deri tash nuk kanë imponuar ndonjë zgjidhje arbitrazhi. Por, BE-ja angazhohet që të gjendet zgjidhje që në të vërtetë dy palët do të jenë të kënaqura. Besoj se edhe kësaj radhe do të jetë një proces negociatash ndërmjet BE-së dhe të dyja palëve – Kosovës dhe Serbisë – në mënyrë që të shihet se cila do të ishte ajo zgjidhje e pranueshme”, shtoi Tahiri. /DW/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/me-1-tetor-hiqet-barrikada-mbi-lumin-iber/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala