Lajme 6 vite më parë

Mbetet pezull avancimi i një numri të madh të stafit akademik të UP-së

Autori:Avdyl Pajaziti

Avancimi i stafit akademik do të jetë njëra nga temat “e nxehta” që e pret Senatin e Universitetit të Prishtinës në mbledhjen e radhës që pritet të mbahet kah fundi i këtij muaji

Kjo, ngaqë kundërshtimet mes menaxhmentit të Rektoratit dhe senatorëve për çështjet e avancimit të një numri të madh të profesorëve vazhdojnë të mbesin pezull dhe nuk ka përafrim të qëndrimeve mes tyre.

Të parët thonë se janë të vendosur që të mos tolerojnë avancimet e asaj pjese të stafit akademik që nuk i përmbushin kriteret, ndërkaq senatorët thonë se propozimet e këshillave të njësive akademike për avancimet do të bëhen fuqiplote vetëm përmes votimit në Senat, e jo përmes vendimeve që merr menaxhmenti për të ndalur ose jo avancimin e dikujt, shkruan sot Koha Ditore.

Kjo çështje tashmë është vënë qe tri herë në rend dite të mbledhjeve të Senatit, por pa arritur të merren vendime.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mbetet-pezull-avancimi-i-nje-numri-te-madh-te-stafit-akademik-te-up-se/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala