Mban familjen me kanaçe

Autori:Avdyl Pajaziti

Të nxehtit e verës i kishte qitur jashtë derës së shtëpisë. Ai kishte rënë në mendime të thella. E vetmja brengë e tija ishte si të siguronte një kafshatë buke për fëmijët e tij. Se për gjëra të tjera as që bëhej fjalë.

Familja e Fatmir Krasniqit nga fshati Gllobar i komunës së Drenasit, çdo ditë heq të zitë e ullirit për ti siguruar paratë, të paktën për një copë buke.

Kryefamiljari i kësaj familje, Fatmir Krasnqi është në gjendje të rëndë shëndetësore. Por pavarësisht kësaj ai mundohet që ta mbajë familjen e tij nga grumbullimi i kanaqeve që për çdo ditë ai i mbledhë në rruat e fshatit ku jeton dhe në qytetin e Drenasit.

Thasët të cilët peshojnë mbi njëzetë kilogram, qëndrojnë mbi shpinën e të moshuarit pothuajse për 12 orë të ditës. Atij nuk i pengon pesha e rëndë, por vetëm dëshiron mbushjen e sa më shumë thasëve sepse në këtë mënyrë ai fiton më shumë para për çdo thes të shitur.

Dhe kështu vazhdon rituali i Fatmir Krasniqit deri në vaktin e bukës, të cilin mundohet që tia shërbej familjes së tij që e pret në shtëpinë e ndërtuar nga tullat dhe lloçi.

Vendi ku jeton familja Krasniqi mund të quhet një shtëpi e improvizuar. Shtëpi gjysmë e errët, me mobile shumë të vjetra, toka pa mbulojë dhe banjo, e parregulluar, ngjanin me shtëpitë e vjetra të fshatrave rurale në shumë komuna të varfër në Kosovë . Në një nga dollapët e pakët që kishte improvizuar i zoti i shtëpisë qëndronin rrobat e pakta të kësaj familje.

Kjo familje shpreson në vullnetin e njerëzve të mirë. Që një ditë të mund të ken një kulm mbi kokë./Indeksonline/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mban-familjen-me-kanace/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala