Mbahet marshi përkrahës për rektorin Ramadan Zejnullahu

Autori:Gazeta Fjala

Ashtu siç ishte paralajmëruar, në orën 11 para Teatrit Kombëtar në Prishtinë, nisi marshi përkrahës për rektorin e Universitetit “Hasan Prishtina”, Ramadan Zejnullahu.

Studentë, anëtarë të shoqërisë civile dhe intelektualë theksuan kërkesat e këtij marshi: 1. Forcimi u autonomisë së UP-së dhe të ndërprehet presioni që po i bëhet ditëve të fundit menaxhmentit aktual, 2. Arsimi të bëhet prioritet shtetëror, 3. Të rriten fondet për universitetet publike dhe të kërkohet produkt konkret prej tyre.

Ndër pjesëmarrës u panë Veton Surroi, Halil Matoshi, Besa Luzha, Avni Zogiani, Luan Shllaku, Arbana Xharra dhe Shkëlzen Gashi.
Një grup senatorësh të UP-së, dekanë e studentë kanë kërkuar dorëheqjen e rektorit Ramadan Zejnullahu.

Kjo kërkesë nga një pjesë e studentëve, nga shoqëria civile dhe vetë ministri i Arsimit është cilësuar e padrejtë, e papranueshme dhe e dëmshme për reformat e nisura dhe synimet për përmirësimin e cilësisë së mësimit dhe të nivelit të dijeve të atyre që dalin nga ky universitet./koha.net

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/mbahet-marshi-perkrahes-per-rektorin-ramadan-zejnullahu/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala