Liria e mediave në Kosovë po përkeqësohet

Autori:Avdyl Pajaziti

Asosacioni i Gazetarëve të Kosovës i ka bërë thirrje  Institucioneve të vendit, që të vënë në funksion mekanizmat ligjorë për të krijuar kushte të përshtatshme për punën dhe për për zhvillimin e lirisë së shprehjes.

Nën moton “ Fol, mos u tut”, Asosacioni i Gazetarëve të Kosovës në ditën botërore të lirisë së shtypit, ka ftuar të gjitha instancat shtetërore për kushte më të mira të gazetarëve.

Kryetari i Asosacionit të gazetarëve të Kosovës, Zekirja Shabani, tha se lista e gazetarëve të kërcënuar e sulmuar është e gjatë dhe se sipas tij, kjo listë nuk përmban vetëm emrat e tyre por edhe rrezikshmërinë e jetës së tyre.

“Është lista e gjatë e kërcënimeve të kolegëve, nuk janë thjesht emra, data por janë jetërat e gazetarëve të cilët raportuan dhe vunë jetën e tyre në rrezik. Ata u sulmuan dhe u kërcënuan.Të bërit gazetari në Kosovë nuk është aspak e lehtë, kjo për shumë arsye duke filluar nga gjendja e rëndë financiare i mediave. Shumë gazetarë punojnë pa kontrata pune dhe nuk paguhen për punën e duhur. Dhe kjo gjendje veç sa vjen e përkeqësohet “ ka thënë Shabani.

Gjithashtu AGK fton edhe gazetarët të vazhdojnë me punën e tyre në raportimet e drejta duke mos u dekurajuar nga situata e krijuar.

Data e 3 majit është vendosur që të jetë si Ditë Botërore e Lirisë së Shtypit në vitin 1993 nga Asambleja e Përgjithshme e OKB-së.

11198470_10206503966026784_1482318483_n 11195370_10206503966306791_239199138_n

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/liria-e-mediave-ne-kosove-po-perkeqesohet/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala