Lëvizja Vetëvendosje e shpall jo legjitim Ambasadorin e SHBA’ve

Autori:Avdyl Pajaziti

Zyrtari i Vetëvendosjes Boiken Abazi në një postim në Facebook ka thënë se të gjithë ambasadoret që shërbejnë në Kosovë dhe, që përkrahin pushtetarët e Kosovës janë jo legjitim.

Ai në Facebook, ka shkruar pas përkrahjes që i ka dhënë ambasadori amerikan sot deputetëve të pozitës, gjatë një vizite që i ka bërë kryetarit të Kuvendit Kadri Veseli.

Ambasadori Greg Delawie, përveç kësaj, ka thënë se pushteti fitohet në kuti të votimit e jo me armë.

Abazi ka thënë se kush qëndron në krah të pushtetit nuk ka legjitimitet të flas për parime demokratike.

Ai ka shkruar se nuk mundet që dikush të jetë partner edhe i  “Zajedenices”, dhe i Kosovës.

“Cilido diplomat i huaj me mision ne Kosove nuk mund te pretendoj qe është me popullin e Kosovës duke qëndruar ne krah te krimineleve në pushtet qe po e copëtojnë Kosovën. Kush qëndron ne krah te një pushteti autoritar nuk ka legjitimitet te flasë për parime demokratike. Nuk mund te jesh edhe partner i “Zajednices” edhe partner i nje Kosove te pavarur e sovrane, pasi njera anullon tjetren. Diplomatet vene e vine, ndërsa ne do jemi këtu deri ne çlirimin e dyte te Kosovës! ‪#‎PoshteZajednica” ka thënë ai.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/levizja-vetevendosje-e-shpall-jo-legjitim-ambasadorin-e-shbave/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala