Lajme 5 vite më parë

Lekaj: Le të na arrestojnë të gjithëve, nuk do të ndalemi

Autori:Avdyl Pajaziti

Deputeti i Aleancës për Ardhmërinë e Kosovës (AAK), Pal Lekaj në emisionin “Info Box” të RTV Dukagjini, ka theksuar se opozita është e vendosur në qëndrimet e saj.

Sipas tij, pa tërheqjen e marrëveshjeve – Asociacionit të komunave me shumicë serbe dhe Demarkacionit të kufirit në mes Kosovës dhe Malit të Zi, nuk do të ketë dialog në mes opozitës dhe Qeverisë së Kosovës.

Ai duke folur për takimin e sekretarit të AAK-së, Blerim Kuçi me ministrin e Punës dhe Mirëqenies Sociale, Arban Abrashi, ka theksuar se “ne mund të takohemi, por nuk do të thotë që ka filluar takimi në mes pozitës dhe opozitës”.

“Opozita nuk ka thirr protesta, por veprimet që janë parë gjatë ditës së protestës kane qenë veprime të cilat janë bërë ad-hoc prej aktivistëve, të cilët e kanë shprehur revoltën e tyre për arrestimet e deputetëve të opozitës”, ka theksuar Lekaj.

Ai më tutje ka theksuar se nëse është nevoja le t’i arrestojnë të gjithë deputetët.

“Nëse ndodhë që edhe 31 deputetët e opozitës të shkojmë në burg, ne nuk do të ndalemi”. /Telegrafi/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/lekaj-le-te-na-arrestojne-te-gjitheve-nuk-do-te-ndalemi/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala