LDK në Gjilan: qytetarët nuk e duan anarkinë, por qetësinë dhe mirëqenien

Autori:Gazeta Fjala

Nën udhëheqjen e kryetarit të Degës së LDK-së në Gjilan, njëherit nënkryetar i LDK-së në nivel qendror, Lutfi Haziri, është mbajtur sot një takim me strukturat e Degës, përfshirë kryesinë dhe nëndegët.

Lidhur me zhvillimet e fundit politike në nivel vendi, Dega e LDK-së në Gjilan, vlerëson se qytetarët e Kosovës nuk e duan anarkinë.

“Por e duan qetësinë, respektimin e ligjshmërisë dhe mirëqenien, ajo i ka dhënë mbështetje të fuqishme Qeverisë së Republikës së Kosovës për punën e mirë që po e bënë në shumicën e dikastereve”, thuhet në komunikatë për media.

Kryesia dhe nëndegët e LDK-së i kanë dhënë mbështetje kryetarit Haziri për 9-mujorin e punës së jashtëzakonshme në udhëheqjen e Komunës për vitin 2015.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ldk-ne-gjilan-qytetaret-nuk-e-duan-anarkine-por-qetesine-dhe-mireqenien/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala