Lajm i mirë për Kosovën nga UEFA

Autori:Zekirja Shabani

Futbolli kosovar ka marrë një lajm tejet të mirë pas Kongresit të UEFA-s. Kreu i Federatës së Futbollit të Kroacisë, Davor Shuker, është bërë anëtar i Komitetit Ekzekutiv të UEFA-s.

Shuker arriti qysh në raundin e parë të zgjidhet në këtë komitet vendimmarrës të shtëpisë më të madhe të futbollit evropian.

Ai mori 28 vota pro nga 34, duke u bërë pjesë e anëtarëve të tjerë. Ky është një lajm tejet i mirë për futbollin kosovar, marrë parasysh miqësinë e madhe të Shuker me Kosovën.

Ishte pikërisht legjenda kroat e futbollit ai i cili vite më parë kishte tronditur serbët me deklaratën e tij se Kroacia do të ishte skuadra e parë që do të luante me Kosovën.

Gjithsesi, neni i FIFA-s që Kosova nuk ka të drejtë të luajë miqësore me shtetet e dala nga Jugosllavia ia pamundësoi këtë dëshirë Shukerit. /gazetaexpress/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/lajm-i-mire-per-kosoven-nga-uefa/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala