Ky është prokurori i ri amerikan që do t’i ndjekë krerët e UÇK’së

Autori:Avdyl Pajaziti

Taskë e Forca e re Bashkimit Europian, e cila po i heton pohimet për trafikim organesh, tashmë e ka prokurorin e ri, amerikanin David Schwendiman. Ish-prokurorit federal amerikan, i cili ka punuar edhe në Bosnjë e Hercegovinë si prokuror ndërkombëtar, i është dhënë mbështetje edhe nga Departamenti Amerikan për punën që ka marrë.

Më poshtë mund të lexoni njoftimin e plotë të Departamentit Amerikan të Shtetit rreth emërimit të Schevendiman në krye të Taskë Forcës, transmeton Gazeta Express.

Departamenti Amerikan i Shtetit njofton për emërimin e David Schwendiman si Kryeprokuror të Task Forcës Speciale Investiguese të Bashkimit Europian (SITF). SITF është një trup autonom i themeluar më 2011, nën autoritetin e Misionit të Bashkimit Europian për Sundim të Ligjit, për të kryer hetime kriminale rreth pohimeve për krimet e luftës dhe krimit të organizuar të adresuara në raportin e Këshillit të Europës, në janar të vitit 2011.

Schwendiman është një prokuror federal dhe shtetëror në SHBA’ve me shumë eksperiencë, i cili më parë ka shërbyer si prokuror ndërkombëtar në Bosnjë e Hercegovinë nga viti 2006-2009.

Përkrahja e SHBA’ve për emërimin e z. Schwendiman si pasardhës i Kryeprokurorit Clint Williamson e demonstron përkushtimin e SHBA’ve për procedimet e SITF për sundimin e ligjit në Kosovë, bashkëpunimin me partnerët tanë europianë dhe drejtësinë ndërkombëtare. Gazeta Express.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ky-eshte-prokurori-i-ri-amerikan-qe-do-ti-ndjeke-kreret-e-uckse/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala