Ky është mesazhi i Merkelit për Mustafën

Autori:Avdyl Pajaziti

Kancelarja Angela Merkel dhe Kryeministri Isa Mustafa, në takimin e tyre në Berlin, kanë diskutuar për marrëdhëniet bilaterale mes dy vendeve, situatën në Kosovë, raportet e Kosovës me BE’në, si dhe Dialogun Kosovë-Serbi.

“E vlerësoj shumë lart këtë vizitë dhe interesimin e Kancelares për zhvillimin në Kosovë dhe Rajon. Kemi biseduar për çështjet themelore që e preokupojnë Kosovën dhe BE’në, çështjet zhvillimore, integrimin europian dhe përmbushjen e kritereve tona për nevojëne luftimit të krimit dhe korrupsionit – si një nga kriteret që ne duhet përmbushur për liberalizimin e vizave”, ka deklaruar Isa Mustafa, në konferencën e përbashkët për media me Kancelaren Merkel.

Merkel ia ka dhënë dy mesazhe të qarta Delegacionit nga Kosova: Përkrahjen për Dialogun Kosovë-Serbi, si dhe themelimin e Gjykatës Speciale.

“Kancelarja na ka dhënë përkrahejn e plotë që të përparojmë më tutje procesin e Dialogut me Serbinë dhe po ashtu t’i përmbushim obligimit tona sa i përket themelimit të Gjykatës Speciale”, ka deklaruar Mustafa, transmeton Politiko.net.

Angela Merkel, ndërkaq, ka pohuar se nuk ekziston asnjë shans që të miratohet një kërkesë për azil për kosovarët.

“Përcjellja e këtij mesazhi në Kosovë është shumë e rëndësishme. Kryesorja është të përcillet mesazhi se asnjë kosovar nuk ka asnjë shans të marrë azil këtu në Gjermani”.

“Ne duam që të përmirësohen rrehanat jetësore në Kosovë, e ardhmja e Kosovës”, është shprehur Merkel.

A do të jetë kusht për Serbinë normalizimi i marrëdhënieve me Kosovën për ecjen e Serbisë drejt BE’së?
Porosia e Merkel është e qartë.

“Natyrisht, ne kemi një inertes shumë të madh që të bëhet marrëveshje fer, e kjo vlen për të dyja palët”.

“Kryeministri tha se ka ardhur koha edhe për kompromise. Kompromise duhet të bëjnë të dyja palët, jo vetëm Kosova, natyrisht edhe Serbia”.

“Unë i inkurajoj të dyja palët, sepse vetëm nëse kanë përparime atje (në dialog), kanë përparime edhe në rrugën europiane. Kjo vlen edhe për Serbinë, edhe për Kosovën”, ka thënë Merkel. / Politiko.net

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ky-eshte-mesazhi-i-merkelit-per-mustafen/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala