Ky është laptopi më i hollë në botë (Foto)

Autori:Avdyl Pajaziti

Ka një arsye pse Apple nuk ka ndryshuar dizajnin kyç të laptopëve MacBppl Air për vite me radhë. Kjo sepse është perfekt. Ndërsa ditën e sotme, Apple ka zbuluar një model të ri 12 inç. Bëhet fjalë për një MacBook Air i cili largon çdo portë të mundshme të modeleve tjera duke ruajtur vetëm një portë USB të tipit C si dhe një portë audio. Dizajn i MacBook Air ofron laptopin më të hollë në botë.

Laptopi peshon vetëm 900 gram dhe ka një trashësi 13.1 mm. Një tjetër karaktersitikë e tij është mungesa e ventilatorëve. Ekrani në modelin 12 inç të MacBook Air karakterizohet nga një rezolucion 2304×1440. Tastiera shtrihet në pothuaj terë gjerësinë e laptopit. Ky MacBook gjithashtu sjell një risi teknologjike të trackpadit. Kjo njësi tani është e paisur me më shumë sensorë duke arritur të bëjë dallimin mes një klikimi të lehtë dhe të fortë dhe si rezultat të ofroj dy komanda kompjuterike të ndryshme.

macbook-12-thinner-100572323-large

Për performancën e këtij laptopi do të kujdeset një proçesor prej modeleve “Broadwell” Core M. Ky proçesor zotëron një fuqi prej 5 vat dhe një fuqi përpunuesi prej 1.1 Ghz që mund të përshpejtohet deri në 2.9 Ghz. Ky laptop do të ketë një jetëgjatësi baterie deri në 9 orë shfletim në ueb dhe 10 orë duke vështruar video.

Largimi i një porte standarte USB 3.1 në favor të një modeli C sjell risi të shumta. Kjo portë do të mund të ofrojë fuqi prej 100 vat në baterinë e laptopit dhe 10 Gbps shpejtësi transferimi të dhënash. Thuani lamtumirë kablloeve HDMI, VGA dhe Thunderbolt. Nga ana tjetër do të duhen një mori adapterash për të riprodhuar funksionalitetet e humbura nga origjinali. Do tu duhen adaptera për të aksesuar portat e Ethernet, USB dhe Thunderbolt.

macbook-12-usb-type-c-100572326-large

Laptopi do të ofrojë veçori të tilla si “Continuity”, “AirDrop” dhe “AirPlay” duke bërë të mundur ndarjen e të dhënave përmes valëve wireless pa pasur aspak nevojë për një kabllo.

Modeli 12 inç Macbook Air do të jetë i disponueshëm në tre ngjyra, argjentë, gri dhe të artë. Laptopin do të mund ta blini pas datës 10 Prill. Modeli bazë prej 1,300 dollarësh ofron një proçesor dy bërthamësh 1.1 Ghz, 8GB Ram dhe një disk solid(SSD) 256 GB. Një model 1,600 dollarësh do të ofrojë një proçesor Dual Core 1.2 Ghz dhe disk solid prej 512 GB.

macbook-12-keyboard-100572321-large

Ndërsa i gjithë fokusi ishte tek modeli i ri i linjës MacBook, Apple nuk harroi as modelet e tjera Mac. Në fakt e gjithë linja MacBook është riafirmuar me proçesorët e gjeneratës së pestë Intel. Këto proçesorë do të ofrojë një jetëgjatësi më të lartë baterie dhe performance të shtuar modeste krahasuar me proçesorët Haswell. Modelet 13 inç do të përditësohen me një hapësirë flash dy herë më të shpejtë sesa paraardhësit.

macbook-12-primary-100572322-large

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ky-eshte-laptopi-me-i-holle-ne-bote-foto/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala