Kundërshtohet përshkallëzimi i TVSH

Autori:Avdyl Pajaziti

Ndryshimi i ligjit për përshkallëzimin e TVSH-së i disfavorizon prodhuesit vendor.

Ndryshimet e parapara në këtë projektligj do të favorizojnë importuesit e produkteve të gatshme. Po ashtu, me propozimet e Qeverisë për përshkallëzimin e TVSH-së do të pësojë konsumatori.

Sipas një analize të prezantuar sot nga Aleanca Kosovare e Bizneseve (AKB) me përllogaritje të rritjes së TVSH-së prej 16 në 18 për qind ka efekt në buxhet për 66.4 milionë, ndërsa zbritja për produktet bazike nga 16 në 8 për qind është përllogaritur të jetë 30 milionë euro. Me këtë rast, përfaqësuesit e AKB-së i kanë rekomanduar Qeverisë së Kosovës që mos të rritet TVSH-ja nga 16 në 18 për qind. Se si ndikon përshkallëzimi I TVSH-së tek prodhuesi ka treguar, Sylejman Konushevci, pronarë i kompanisë së prodhimit të vajit “Inter Compani”, duke thënë se tash me këtë rritje të TVSH-së, ai do të dëmtohet nga importuesit.

Ndërsa, kryetari i Aleancës Kosovare të Biznesit, Agim Shahini, ka thënë se qeveria nuk i ka marrë në konsideratë vërejtët e komunitetit të biznesit dhe qytetarët. Ai ka shtuar se zbritja e TVSH-së për 13 produkte nuk mund të ketë ndikim sikurse tek 100 mijë produktet tjera që hynë në TVSH-në me rritje nga 16 në 18 për qind.

Bekim Kryeziu, anëtar i AKB-së, ka prezantuar efektet e përshkallëzimit të TVSH-së, ndikimi i rritjes së TVSH-së dhe ajo rritjes nga 16 në 18 për qind e cila e rritë shportën e konsumatorit për 36.4 milionë euro.

Selatin Kaçaniku nga Organizata Konsumatori, ka thënë se në asnjë ndryshim të politikave fiskale nuk ftohet konsumatori.

Ndërsa në fund, nënkryetari i AKB-së ka prezantuar nga analiza edhe rekomandimet që Qeveria duhet t’i marrë seriozisht.

Ai po asht ka thënë se nga takimi i fundit ende nuk kanë njohuri që Qeveria e ka anuluar udhëzimin administrative për mbi shpenzimet e transportit dhe se sipas tij, ai udhëzim së shpejti do të jetë subjekt i Gjykatës Kushtetuese. Projektligji për përshkallëzimin e TVSH-së më 28 maj të këtij viti është aprovuar në lexim të dytë në Kuvend e që Qeveria parasheh që ky projekt ligj të hy në fuqi më 1 korrik të këtij viti.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kundershtohet-pershkallezimi-i-tvsh/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala