Kumbaro: Kosova në UNESCO, proces i domosdoshëm për Ballkanin

Autori:Avdyl Pajaziti

Ministrja e Kulturës në Shqipëri, Mirela Kumbaro thotë se procesi i anëtarësimit të Kosovës në UNESCO, është i domosdoshëm, një proces i merituar, dhe që iu vlen të gjitha vendeve të Ballkanit, pasi bëhet fjalë për mbrojtjen e trashëgimisë kulturore dhe se kultura nuk ka kufij.

Duke qenë të gjithë pjesë e UNESCO-s vendet e Ballkanit duhet të kujdesen për kulturën e shtetit fqinj në të njëjtën mënyrë si për trashëgiminë e tyre kulturore, pasi flitet për një hapësirë të përbashkët.

Në një intervistë për KosovaPress në Tiranë, ministrja Kumbaro thotë se Kosova me territorin, banorët, historinë, monumentet dhe kulturën që mbart është një pjesë e mozaikut kulturor të rajonit të Ballkanit.

Të gjitha shtetet e Ballkanit janë në UNESCO dhe është absurde, madje qesharake, që një parcele e këtij rajoni të mos jetë formalisht brenda.

“Kultura nuk ka kufij administrativë, e aq më pak luftarakë. Kultura nuk mbrohet duke përjashtuar, por duke përfshirë dhe shkëmbyer reciprokisht. Kjo qëndron në vetë thelbin organizatave si UNESCO”, thotë Kumbaro.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kumbaro-kosova-ne-unesco-proces-i-domosdoshem-per-ballkanin/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala