Alternativa 5 vite më parë

Kuarteti Kombëtar Tunizian për Dialog fitues i çmimit Nobel për paqe

Autori:Avdyl Pajaziti

Kuarteti Kombëtar Tunizian për Dialog është shpërblyer me çmimin nobel për paqe, për rolin që ka luajtur duke e ndihmuar kombin  tunizian gjatë fazës së tranzicionit drejt demokracisë.

Duke njoftuar për dhënien e çmimit, kryetarja e komitetit për çmimet Nobel, Kaci Kullmann ka thënë se grupi ka dhënë një kontribut të çmueshëm në ndërtimin e një demokracie plurale, pas revolucionit të Pranverës Arabe në  vitin 2011 në Tunizi, transmeton Indeksonline.

Grupi ishte një ndër 273 pretendentët për marrjen e këtij çmimi. Ndërsa, kancelarja gjermane Angela Merkel dhe Papa i Vatikanit Françesko, ishin po ashtu në mesin e pretendetëve.

Kuarteti tunizian është përbërë nga katër organizata: Unioni i Përgjitshëm Tunizian i Punës, Konfederata Tuniziane për Industri, Tregti dhe Zejtari, Lidhja Tuniziane për të Drejtat e Njeriut dhe Lidhja e Avokatëve Tunizian.

“Këto organizata përfaqësojnë sektorë dhe vlera të ndryshme në shoqëri: jetën e punës dhe mirëqenies, parimet e sundimit të ligjit dhe respektimin e të drejtave të njeriut”, ka thënë kryetarja e komitetit Kullmann.

“Mbi këto baza, ky kuartet e ushtroi rolin e vet si ndërmjetsues dhe shtytës në avancimin drejt zhvillimit paqësor demokratike në Tunizi, me moral dhe autoritet të lartë”, ka shtuar ajo.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kuarteti-kombetar-tunizian-per-dialog-fitues-i-cmimit-nobel-per-paqe/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala