Krimineli i luftës pritet si hero në Serbi

Autori:Avdyl Pajaziti

Gjenerali serb Vladimir Lazareviq, i dënuar nga Tribunali i Hagës për krime lufte të kryera ndaj shqiptarëve në Kosovë, është liruar të enjten, pasi ka kaluar 10 vjet në burg, por në Serbi ai është kthyer sikur të ishte hero kombëtar e jo kriminel lufte.

Lazareviq, i cili u lirua nga burgu pasi vuajti dy të tretat e dënimit, është transferuar nga Haga për në Serbi me aeroplan qeveritar, dhe i shoqëruar nga përfaqësuesit e Qeverisë së Serbisë – ministri i Drejtësisë, Nikola Selakoviq, ministri i Mbrojtjes, Bratislav Gashiq.

Po ashtu kriminelin e dënuar Lazareviq në aeroportin e Nishit e kanë pritur edhe ministri i Punës, Aleksandar Vulin, prefekti i Nishit, Zoran Perishiq, si dhe përfaqësuesi i Kishës Ortodokse Serbe, Vladika Teodosije, shkruan sot Koha Ditore.

Në mesin e të tubuarve në aeroport ishte edhe shefi i Ushtrisë serbe, Lubisha Dikoviq, edhe vetë i akuzuar për krime lufte ndaj shqiptarëve në Kosovë, i cili në kohën e luftës, më 1999, komandoi Brigadën e 37-të të motorizuar të Ushtrisë jugosllave dhe shërbeu nën gjeneralin Lazareviq.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/krimineli-i-luftes-pritet-si-hero-ne-serbi/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala