Lajme 5 vite më parë

Krasniqi: Opozita u detyrua, unë nuk do të lejoja këtë situatë

Autori:Avdyl Pajaziti

Për ish -kryetarin e Kuvendit Jakup Krasniqi, skenat e sotme në Kuvendin e Kosovë janë të pakëndshme, por sipas tij problemi nuk është i sotëm, ai buron nga i gjithë sezoni vjeshtor parlamentar.

Në Rubikon të KTV-së, Krasniqi ka arsyetuar opozitën me atë që e kanë humbur besimin në deputetët e shumicës për shkakun e Gjykatës Speciale dhe Isa Mustafën dhe zëvendësin e tij tij Hashim Thaçit, transmeton Koha.net.

“Ka humbur besimi i opozitës karshi deputetëve pas miratimit të Gjykatës Speciale, pasi është parë se ata nuk po e shikojnë interesin e shtetit. Veprimi i opozitës është i imponuar nga sjellja e vetë pozitës e në veçanti nga kryeministri dhe zëvendësi i tij”.

Krasniqi theksoi se një situatë të tillë ai nuk do ta lejonte të ndodhte brenda Kuvendit. Por, ka refuzuar ta krahasojë situatën e sotme me atë të 27 qershorit të 2013 kur e quajti veprimin e opozitës tentim për anarki.

“Mos t’i krahasojmë veprimet e atëhershme me këto të sotmet. Janë dy çështje të cilat nuk lejojnë të tërheqim paralele. E para, atëherë Kuvendi ka vendosur vetë për punën e ratifikimit të marrëveshjeve, ndërsa në situatën e tanishme, Qeveria është ajo që ka marrë vendime pa konsensus. Dhe e dyta, atëherë opozita ka qenë e ndarë, pra nuk kemi pasur një konsensus të opozitës.”

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/krasniqi-opozita-u-detyrua-une-nuk-do-te-lejoja-kete-situate/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala