Kosovës i duhet ligji Anti-mafia

Autori:Avdyl Pajaziti

Kuvendi i Kosovës vazhdon të mos e ketë edhe më tutje ligjin tashmë të shumë përfolur ‘Anti-Maifa’, ligj ky i cili rregullon shumë çështje që kanë të bëjnë me fitimin e pasurisë në mënyrë të paligjshme e që njëkohësisht është njëra ndër kërkesat e dala nga disa raporte të Komisionit Evropian.

Ndonëse qeveria thotë se i njëjtë me të është ligji që tash e tri vite është funksional në Kosovë “Ligji për Zgjerimin e Kompetencave për Konfiskimin e Pasurisë së Fituar me Vepër Penale”, për opozitën, shoqërinë civile, e madje edhe përfaqësues të ambasadave në vendin tonë, vendi duhet të ketë sa më parë ligjin me emërtimin ‘Anti- Mafia’ me çka edhe sekuestrimi dhe konfiskimi i pasurisë do të bëhej me procedura më të përshpejtuara.

Ministri i Drejtësisë Hajredin Kuçi, i pyetur nga KosovaPress për atë pse ende nuk kemi një ligj të tillë ka thënë përmes një mesazhi telefonik se në Kosovës ndonëse nuk ekziston ligji Anti-Mafia, është ligji tjetër “Ligji për Zgjerimin e Kompetencave për Konfiskimin e Pasurisë së Fituar me Vepër Penale” që kryen funksionin e njëjtë por me emërtim ndryshe.

Ndërsa Albulena Haxhiu nga Lëvizja Vetëvendosje, për KosovaPress ka thënë se mungesa e një pako ligjore kundër korrupsionit po ndikon në mos luftimin e kësaj dukurie.

Sipas saj nxjerrja sa më parë e ligjit Anti-Mafia, për çka subjekti i saj politik këtyre ditëve do të dorëzojë këtë projektligj në kuvend, do të luftonte korrupsionin dhe pasurimin e zyrtarëve shtetëror në mënyrë të paligjshme. Po për të pruar një ligj të tillë Haxhiu thotë se ka mungesë të vullnetit politik. KP

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kosoves-i-duhet-ligji-anti-mafia/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala