Lajme 6 vite më parë

Kosovarët azilkërkuesit më të mëdhenj në BE

Autori:Avdyl Pajaziti

Numri i azilkërkuesve nga Kosova në çerekun e parë të vitit 2015, të cilët kanë kërkuar strehim në vendet e Bashkimit Evropian, sipas shifrave të botuara nga Enti Statistikor i BE-së, Eurostat, para dy ditësh, ka ftohur edhe ata pak diplomatë evropianë, të cilët donin që sa më shpejt edhe për qytetarët e Kosovës të hiqeshin vizat, shkruan sot Koha Ditore.

Kosovarët përbëjnë bindshëm numrin më të madh të azilkërkuesve në BE në tre muajt e parë të këtij viti, ndërsa, krahasuar me numrin e tyre në të njëjtën periudhë të vitit të kaluar, ka shënuar rritje për 19 herë.

Numri i përgjithshëm i kosovarëve, të cilët për herë të parë kanë kërkuar azil në BE, në këta tre muaj, ka qenë 48.875, që është më shumë sesa shtetasit e Sirisë dhe Afganistanit së bashku, edhe pse shtetet e BE-së nuk shohin arsye për t’u lejuar strehim shtetasve të Kosovës për dallim nga ata të Sirisë.

Niveli i refuzimit të azilit për shtetasit e Kosovës në këtë periudhë ka qenë 99%, ndërsa në rastet e shtetasve të Sirisë, të cilët kanë ikur nga konfliktet në 94 % të tyre përgjigjja ka qenë pozitive dhe atyre u është dhënë strehim në vendet e BE-së.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kosovaret-azilkerkuesit-me-te-medhenj-ne-be/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala